Infoproject еФактура

Дигитално потпишување и испраќање на е-Фактури — Опис на продуктот

1. Законски контекст

Системот е-Фактура на Министерството за финансии и Управата за јавни приходи (УЈП) е формално лансиран на 5 јануари 2026 година. Од 1 октомври 2026, сите ДДВ-обврзници во Македонија — проценето 50.000 и повеќе субјекти — мораат да ги испраќаат фактурите преку системот е-Фактура на УЈП, потпишани со квалификуван електронски сертификат. Фактура без дигитален потпис и без EUID (Единствен Идентификатор на Документ) нема правна важност.

Техничкиот формат на потпишување е JSON документ со JWS (JSON Web Signature) потпис, RSA 256-bit алгоритам — не се потпишува PDF, туку структуриран JSON.

2. Архитектура на решението

Решението се состои од два посебни компоненти кои работат координирано:

2.1. Infomatrix е-Фактура Сервис (клиентска страна)

Мал Windows сервис кој се инсталира на машината каде е зачуван клучот за потпишување (USB токен или заштитена датотека на диск). Автоматски стартува при стартување на Windows и работи во заднина.

• Автоматска детекција на клучот за потпишување — без рачна конфигурација по USB портови.
• Криптографско потпишување целосно локално — приватниот клуч никогаш не ја напушта машината.
• Поддршка за KIBS Trust и Македонски Телеком USB токени.
• Поддршка за повеќе токени на иста машина (за сметководствени бироа).
• Достапен на LAN/VPN — повеќе работни станици го делат истиот сервис.
• Веб-интерфејс за почетна конфигурација (Setup Wizard).
• Статус на токен и истекување на сертификат видливи директно во ERP.
• PIN кодот се чува локално — никогаш не ја напушта машината.

2.2. IMX е-Фактура Микросервис (серверска страна)

Node.js микросервис на инфраструктурата на Infoproject. Не е во контакт со приватните клучеви — само го прима потпишаниот документ и го праќа до УЈП.

• Директна комуникација со УЈП API за испраќање на потпишани е-Фактури.
• Автоматски retry при привремена недостапност на УЈП.
• Зачувување на EUID и QR код назад во ERP базата.
• Целосен audit trail: кога, кој, која фактура, кој сертификат, кој резултат.
• Мониторинг и алертирање при проблеми.
• Синхронизација на шифрарници со УЈП (листи на општини, единици, мерки).
• Хостиран и управуван од Infoproject — клиентот нема оперативна одговорност.

3. Принцип на работа (5 чекори)

• Корисникот кликнува „Издај фактура" во Infomatrix ERP.
• Локалниот сервис автоматски го лоцира клучот и го потпишува JSON документот (JWS).
• Серверскиот микросервис го прима потпишаниот документ и го испраќа до УЈП API.
• УЈП го верификува потписот и доделува EUID (Единствен Идентификатор на Документ).
• EUID и QR кодот се зачувуваат автоматски во ERP базата. Фактурата е правно важечка.

4. Безбедност

Безбедноста е фундаментална архитектурна одлука, не дополнителна карактеристика:

• Приватниот клуч за потпишување никогаш не ја напушта машината на клиентот — нема пренос преку мрежа, нема копирање на серверите на Infoproject.
• Целиот сообраќај е шифриран (HTTPS/TLS на сите нивоа).
• Криптографското потпишување се извршува целосно локално на клиентската машина.
• Усогласеност со Законот за електронски документи, електронска идентификација и доверливи услуги.
• Пристапот до серверскиот микросервис е ограничен на авторизирани клиенти.

5. IMX е-Потпис Middleware — за трети страни

Покрај вградената интеграција со Infomatrix, Infoproject нуди и самостоен IMX е-Потпис Middleware — REST API сервис наменет за развивачи на ERP, сметководствен или деловен софтвер кои сакаат да додадат потпишување и испраќање до УЈП без да знаат детали за JWS, PKCS#11 или УЈП API.

• Еден endpoint, еден повик — JSON in, EUID + QR out.
• Платформски неутрален: PHP, .NET, Java, Python, Node.js, Ruby — ако може да испрати HTTP POST, може да го интегрира.
• Webhook за асинхрон статус (опционален).
• Sandbox режим за тестирање без реален УЈП.
• Целосна документација на македонски и англиски јазик.
• SDK библиотека за PHP (бесплатна, отворен код).
• Техничка поддршка при интеграција.

6. Поддршка за сметководствени бироа

Сметководствените бироа кои водат фактурирање за повеќе клиенти добиваат специјализирана поддршка:

• Повеќе USB токени на иста Windows машина — еден за секоја фирма-клиент.
• Автоматски избор на токен по ЕДБ (Единствен Даночен Број) на фирмата.
• Паралелна работа на повеќе сметководители.
• Изолирани записи и audit trail по клиент.

7. Интеграции и поврзаност

• Infomatrix ERP — нативна вградена интеграција (еден клик).
• УЈП е-Фактура API — директна комуникација, вклучувајќи синхронизација на шифрарници.
• Infoproject MOST — еФактурата е клучен use-case на MOST платформата за потпишување.
• Надворешни ERP системи — преку IMX е-Потпис Middleware REST API.