Infoproject Nexus Portal

Опис на продуктот

1. Вовед

Nexus Portal е колаборативна веб-апликација на Infoproject LLC, проектирана за тимови кои работат во проектно-ориентирана средина. Претставува единствен workspace кој ги комбинира: реално-временска комуникација (chat), управување со задачи, управување со документи (DMS) и конфигурабилен dashboard — сè во контекст на конкретен проект.

За разлика од општи алатки за тимска комуникација, Nexus Portal е дизајниран „project-first": корисникот влегува во контекст на проект и таму ги наоѓа сите релевантни пораки, задачи и документи. Пристапот е строго контролиран: секој учесник (координатор, соработник, клиент) го гледа само тоа за кое е определен.

2. Модули и функционалности

2.1. Chat и комуникација

Централниот комуникациски канал е интегриран со Rocket.Chat — отворен систем за деловна комуникација. Секој проект добива свој приватен канал (Private Group); покрај тоа постојат и тимски соби независни од конкретен проект. Автентикацијата е транспарентна (Single Sign-On): корисникот не воведува посебна лозинка за chat — порталот автоматски го пријавува преку безбеден токен.

• Приватни проектни канали — само определени учесници имаат пристап.
• Тимски соби — за вкрстена комуникација независна од проект.
• Историја на пораки, прикачување на фајлови, цитирање, реакции.
• Пребарување во историјата на разговорот.

2.2. Управување со задачи

Модулот за задачи овозможува создавање, доделување и следење на задачи во рамките на проектот. Задачите се видливи за сите учесници со соодветен пристап.

• Создавање задачи со наслов, опис, приоритет, рок и одговорна личност.
• Прикачување на фајлови директно кон задача.
• Коментирање на задача — дискусија во контекст на задачата.
• Следење на статус: отворена, во тек, завршена, откажана.
• Известувања при доделување, промена на статус и приближување на рокот.
• Преглед на сите задачи по проект (табела со филтри и сортирање).
• Нотификациски dropdown — корисникот во реално време ги гледа промените.

2.3. Управување со документи (DMS)

Секој проект добива свој простор за документи во рамките на DMS модулот. Документите се организирани во дрво на папки, со можност за тагирање и коментирање.

• Дрво на папки по проект — јасна структура за сите учесници.
• Тагови на фајлови — брзо пронаоѓање по тема или тип на документ.
• Коментари директно на фајл — дискусија без e-mail.
• Контекстни менија за брзи операции: отвори, преименувај, избриши, преземи.
• Интеграција со генералниот DMS систем на Infoproject.

2.4. Dashboard

Секој корисник го конфигурира сопствениот dashboard со виџети кои го прикажуваат преглед на проектите, задачите, активноста и другите релевантни информации. Dashboard-от користи Gridster.js за drag-and-drop распоред на виџетите.

2.5. Известувања

Системот за известувања е повеќеканален и осигурува дека ниту еден учесник нема да пропушти важна промена во проектот.

• Известувања во апликацијата (нотификациски dropdown во лентата на алатки).
• E-mail известувања при критични настани.
• Десктоп push-нотификации (browser notifications).
• Мобилни push-нотификации.
• Контрола на „прочитано/непрочитано" по задача.

3. Управување со учесници

Секој проект има јасно определени улоги за учесниците:

• Координатор — целосен пристап и управување со проектот.
• Соработник — пристап до задачи, документи и chat на проектот.
• Клиент — ограничен пристап, само до она за кое е определен.

Администраторот ги управува учесниците преку интуитивен popup-интерфејс со пребарување.

4. Архитектура и интеграции

Nexus Portal е веб-апликација изградена на стандарден Infoproject стек: PHP backend, jQuery/Bootstrap frontend, Socket.IO за реално-временска комуникација, Webix за табели и дрва на податоци. Chat функционалноста е реализирана преку Rocket.Chat 5.x со автоматска SSO автентикација.

• Multi-tenant: различни клиенти (тенанти) на иста инсталација, целосно изолирани.
• Синхронизација со надворешен систем за проектен менаџмент (GDI интеграција).
• Интеграција со Infoproject DMS за управување со документи.
• Инсталација на сопствена инфраструктура (on-premise) или облак.

5. Безбедност и контрола на пристап

• Строга изолација по тенант — нема вкрстено протекување на податоци.
• SSO автентикација за chat — нема отворени сесии со одделни лозинки.
• Канали во chat се секогаш приватни групи — никогаш јавни канали.
• Детален audit trail на активности по проект.